“Son silahlı toqquşma və 2 hərbçimizin şəhid olmasından sonra əsas nəticə budur: Biz Ermənistanla münaqişənin yeni mərhələsinə daxil olmuşuq. Bunu dövlətimizə qarşı terror müharibəsi adlandırmaq olar”.
Azpost.info bildirir ki, bu sözləri Azərbaycanın sabiq xarici işlər naziri Tofiq Zülfüqarov Xəlfəli-Turşsu yolunda baş vermiş təxribatı şərh edərkən bildirib.
Onun sözlərinə görə, strategiyamızın əsas elementi Ermənistanla sərhədi tam bağlamaq olmalıdır: “Həmçinin, sülhməramlıların maddi-texniki təminatı yalnız Azərbaycan ərazisindən həyata keçirilməlidir”.
“Mən Laçın yolundakı silahlı toqquşmanın video görüntülərinə baxdım.
Diqqətdən kənarda qalan nə olub?
-Bizim 10 nəfərlik hərbi qulluqçularımızdan və UAZ-dakı 3 sərnişindən savayı orada naməlum sayda erməni terrorçuları olub. Bu terrorçulara daha sonra BTR-də gələn sülhməramlılar qoşulub.
-UAZ- saxlamaq cəhdi və baxış zamanı atəş açılıb və bundan sonra azərbaycanlı hərbçilər cavab atəşi ilə düşməni məhv ediblər.
-Daha sonra əvvəlcədən hazırlanmış mövqelərdən (dağın əks tərəfindən) erməni tərəfi bizim hərbçilərə atəş açıb və onları itki ilə geri çəkilməyə vadar olublar.
-Daha sonra UAZ-ın yanına sülhməramlıalr gəlib. Bundan sonra atəş kəsilib.
Bu suallar isə cavabsız qalıb:
-UAZ -da aparılan yük nə olub ki, onu avtomatla silahlanmış zabitlər müşayiət edib?
– Nə üçün məhz bu UAZ-a baxış keçirmək bizim üçün mühüm olub?
-Niyə və hansı məlumatlar əsasında ermənilər bizim hərbiçilərin orada olma vaxtını dəqiq biliblər və əvvəlcədən mövqe tutublar?
-UAZ barədə bizim üçün məlumat mənbəyi kim olub?
-Ermənilər üçün bizim mümkün fəaliyyətimizin detalları barədə informasiya mənbəyi kim olub?
– Nə üçün əməliyyat planlaşdırılması zamanı düşmənin pusqu qurmaq imkanını nəzərə almamışıq?
-Nə üçün bizim ərazimizdə terror-diversiya fəaliyyəti davam edir?”
Sabiq XİN başçısı bildirib ki, buradan əsas nəticə odur ki, Azərbaycan Ermənistanla müharibənin yeni mərhələsinə daxil olub.
Azpost.info
