Fransada naməlum şəxslər toyda atəş açıb, ölən və yaralılar var

Fransada naməlum şəxslər toy zamanı atəş açıb.

Bu barədə Republicain Lorrain məlumat yayıb.

Nəşrin məlumatına görə, hadisə iyunun 30-na keçən gecə Mozel departamentinin Tionvil şəhərində baş verib. Əllərində silah olan bir qrup naməlum şəxs 100-ə yaxın insanın toy qeyd etdiyi banket zalına yaxınlaşaraq atışmağa başlayıb. Hadisə nəticəsində 4 nəfər ağır güllə yarası alıb. Hamilə qadın da yüngül xəsarətlə şok vəziyyətində xəstəxanaya yerləşdirilib. Xəsarət alan qonaqlardan birini xilas etmək mümkün olmayıb.

Silahlı basqınçılar qaçıblar. Onların kimliyi və motivləri barədə məlumat verilməyib. Hüquq-mühafizə orqanlarının əməkdaşları cinayətkarları axtarır. (APA)

Əvvəlki məqalə

DİM 7 iyulda qəbul imtahanlarında iştirak edəcək abituriyentlərə müraciət edib

Sonrakı məqalə