Göyçayda yas yerində qidadan kütləvi zəhərlənmə olub

Göyçay rayonunda qidadan kütləvi zəhərlənmə qeydə alınıb.

Hadisə rayonun Hacıağabəyli kənd sakini Azər Quliyevin anasının yas mərasimində olub.

Axşam saat 20:00 radələrində məclis iştirakçılarından təxminən 15 nəfərin halı qəfildən pisləşib.

İshal və qusma əlamətləri olan bu insanlar təcili olaraq Göyçay Rayon Mərkəzi Xəstəxanasına çatdırılıb.

Hazırda onların müayinə və müalicəsi üçün tədbirlər görülür.

Zəhərlənən şəxslərdən bir neçəsi uşaqdır. İnsanların nədən zəhərləndiyi hələlik dəqiq bilinmir.

Faktla bağlı Göyçay rayon Prokurorluğu tərəfindən araşdırma aparılır(apa).

Əvvəlki məqalə

Azərbaycanda ipoteka müqavilələrinin sayı 46,9 faiz artıb

Sonrakı məqalə

İtaliyanın Baş naziri istefa verir