Gürcüstan prezidentinin oğlu Yelisey sarayında vəzifəyə təyin olunub

15 Sentyabr 2019 - 16:21

Gürcüstan prezidenti Salome Zurabişvilinin oğlu Teymuraz Qorcestani Fransanın prezident administrasiyasında işə düzəlib.

“TASS” xəbər verir ki, Qorcestani Yelisey sarayının diplomatik şöbəsinin əməkdaşı kimi fəaliyyətə başlayıb. O, Asiya, Şimali və Latın Amerikası ölkələri ilə bağlı məsələləri həll edəcək.

Qeyd edək ki, Teymuraz daha əvvəl Nyu-Yorkda BMT-nin fransız missiyası üzrə çalışıb. O, son illər Fransanın Londondakı səfirliyində işləyib.