Hələbdə Azərbaycan şairi Nəsiminin məzarı bağlanıb.
Azpost.info bildirir ki, bu barədə Suriyada səfərdə olan jurnalist, “Haqqın.az” saytının rəhbəri Eynulla Fətullayev məlumat verib.
Onun sözlərinə görə, Hələbdə hakimiyyətdə olan “Təhrir aş-Şam” qruplaşması Azərbaycan şairi Nəsiminin məzarına girişi qadağan edib.
“Bu böyük Azərbaycan şairi və mütəfəkkiri İmadəddin Nəsminin məqbərəsidir. Nəsimi soyundan gələn Bəşər Nəsimini də tapdım. Ailə məqbərənin yanında yaşayır. 2015-ci ildə İŞİD Nəsiminin məqbərəsini dağıtmışdı. Şəhər azad olunduqdan sonra Nəsimi ailəsi məzarı bərpa edib.
Hazırda Hələbdə hakimiyyəti zəbt etmiş Tahrir aş-Şam məqbərələrə, o cümlədən Nəsiminin məzarına girişi qadağan edib”-deyə jurnalist yazıb.
