İTV-də gecə vaxtı yanğın –Bir nəfər tüstüdən boğulma ilə xəstəxanaya aparıldı (FOTO)

İctimai televiziyaya tüstülənməyə görə saat 00:19-da Təcili Tibbi Yardıma çağırış olub. 

Səhiyyə Nazirliyindən verilən məlumata görə, hadisə yerinə bir neçə briqada çıxıb. İki nəfər (kişi) müraciət edib. Birinə yerində yardım göstərilib, digəri isə tüstüdən boğulma diaqnozu ilə Kliniki Tibbi Mərkəzin Toksikologiya şöbəsinə yerləşdirilib.

Fövqəladə Hallar Nazirliyindən də İTV-də baş verən yanğınla bağlı açıqlama yayıb. Açıqlamada deyilir ki, nazirliyin “112” qaynar telefon xəttinə, Bakı şəhəri, Yasamal rayonu, A.M. Şərifzadə küçəsində “İctimai Televiziya və Radio Yayımları Şirkəti”nin inzibati binasında yanğın olması barədə məlumat daxil olub. Dərhal Nazirliyin Dövlət Yanğından Mühafizə Xidmətinin və Xüsusi Riskli Xilasetmə Xidmətinin müvafiq qüvvələri və texnikası hadisə yerinə cəlb olunub.

Yanğın yanğından mühafizə bölmələri tərəfindən söndürülüb.

 

Bir cavab yazın

Sizin e-poçt ünvanınız dərc edilməyəcəkdir.

Əvvəlki məqalə

İmişlinin üzərindən yanan meteor keçib –

Sonrakı məqalə

Ermənistan gecə snayper tüfəngləri ilə atəşkəsi pozub –