8 Noyabr – Zəfər Günü ilə əlaqədar Laçın şəhərində hərbi orkestrin müşayiəti ilə hərbi qulluqçuların yürüşü təşkil olunub.
Saat 10:00-dan başlayaraq, Şərqi Zəngəzur iqtisadi rayonuna daxil olan Laçında Azərbaycan Respublikası Prezidentinin xüsusi nümayəndəliyinin və “Bakı abadlıq xidməti” MMC-nin birgə təşkilatçılığı keçirilən bayram tədbirində ilk olaraq Dövlət Himni səsləndirilib. Daha sonra yürüş olub.
“Bayraq meydanı”ndan start götürən yürüşdə hərbçilər, Laçın sakinləri hərbi orkestrin müşayiəti ilə Laçın şəhərinin “Seyrəngah” adlı ərazisinə qədər yürüş ediblər.
Qeyd edək ki, 8 Noyabr – Zəfər Günü ilə əlaqədar bu gün həmçinin Bakıda, Gəncədə, Bərdə, Füzuli şəhərlərində və Zəngilan rayonunda hərbi orkestrlərin müşayiəti ilə hərbi qulluqçuların yürüşləri təşkil olunur(apa).
