Laçın-Xankəndi yolunda aksiya davam edir –VİDEO

Rusiya sülhməramlılarının müvəqqəti nəzarətində olan ərazilərdə faydalı qazıntı yataqlarının, xüsusilə Qızılbulaq qızıl və Dəmirli mis-molibden yataqlarının qanunsuz istismarına etiraz olaraq eko-fəallar və QHT təmsilçiləri Şuşa şəhərində – Laçın-Xankəndi yolunda aksiyanı davam etdirir.

Aksiya iştirakçıları 2022-ci ilin son günü, 31 dekabr Dünya Azərbaycanlılarının Həmrəyliyi Günündə də etirazlarını davam etdirirlər.

Müxtəlif şüarlar səsləndirən aksiyaçılar günə Azərbaycan Respublikasının Dövlət Himnini səsləndirərək başlayıblar.

Xatırladaq ki, dekabrın 12-dən etibarən azərbaycanlı eko-fəallar, ictimaiyyət nümayəndələri sülhməramlıların postu yaxınlığında etiraz aksiyası keçirirlər. Etirazçıların əsas tələbləri RSK komandanı Andrey Volkovun gəlməsi, azərbaycanlı mütəxəssislərin monitorinq aparması üçün lazımi şərait yaradılması, Azərbaycan torpaqlarında ekoloji terrora son qoyulmasıdır. (APA)

Əvvəlki məqalə

Akif İslamzadənin 40 il əvvəl muğam oxuduğu nadir görüntülər –

Sonrakı məqalə

Bakının mərkəzində bu gün bayram konserti təşkil ediləcək