Məhəmməd əl-Bəşir Suriyanın müvəqqəti hökumətinin başçısı təyin olunduğunu açıqlayıb.
Azpost.info bildirir ki, Suriyanın müxalifət lideri ölkənin keçid hökumətinə başçılıq edəcək.
Əl-Bəşir mühəndis və hüquq məzunudur. Ən son İdlibdə “milli xilasetmə hökuməti” adlanan qurumda baş nazir olub.
Əl-Bəşir indi Suriyada yeni rəhbərliyin formalaşdırılmasına və son nəticədə seçkilərin keçirilməsinə cavabdehdir.
Onun təyinatını indiyədək yalnız HTŞ qrupu təsdiqləyib. Onun təyinatının Suriya müxalifətinin digər nümayəndələri tərəfindən də təsdiq edilib-edilmədiyi hələlik məlum deyil.
Suriyada baş verən hadisələrə baxsaq, Suriya müxalifətinin digər nümayəndələrinin razılığı tələb olunmur.
