İngiltərənin “Mançester Yunayted” klubu Kriştianu Ronaldo ilə müqaviləni pozub.
Bu barədə klubun rəsmi saytı məlumat yayıb.
Bildirilib ki, tərəflər qarşılıqlı razılıq əsasında əməkdaşlığı dayandırıblar. O, 2021-ci ildə İtaliyanın “Yuventus” klubundan “Mançester Yunayted”ə keçib.
İngiltərə klubunda ümumilikdə 346 görüş keçirən Ronaldo 145 dəfə qapılara yol tapıb.
Xatırladaq ki, bir müddət əvvəl Ronaldo KİV-ə verdiyi müsahibədə klub rəhbərliyini sərt tənqid etmişdi.
