“NATO Ukrayna münaqişəsində tərəf olmamalıdır”- ƏRDOĞAN

NATO Ukrayna münaqişəsində tərəfə çevrilməməlidir.

Azpost.info xəbər verir ki, bunu Türkiyə prezidenti Rəcəb Tayyib Ərdoğan deyib.

O, ABŞ-da NATO-nun sammitində iştirakı zamanı həm bu məsələni, həm də Qəzza, Ukrayna və antiterror məsələlərini gündəmə gətirmək niyyətində olduğunu bildirib.

“Biz bu sammitdən milli təhlükəsizlik maraqlarımıza hörmət edən və Alyans daxilində həmrəyliyi gücləndirən nəticələr gözləyirik. Vaşinqtonda təmaslar zamanı biz dünyada artan terror təhlükəsinə diqqət çəkəcəyik və buna uyğun olaraq NATO-nun səylərini gücləndirməyin vacibliyini qeyd edəcəyik. Biz Ukraynadakı münaqişə ilə bağlı prinsipial mövqeyimizdə qalır, onun ərazi bütövlüyünü dəstəkləyir və NATO-nun Ukraynada müharibənin tərəflərindən birinə çevrilməsini qəbuledilməz hesab edirik”, – Türkiyə lideri deyib.

Ərdoğan həmçinin bildirib ki, sammitdə o, İsrailin Fələstin xalqına qarşı davam edən qırğınını gündəmə gətirmək fikrindədir: “Biz İsrail və Fələstinlə bağlı NATO-dan istədiyimizi ala bilməmişik. Dohada danışıqlarda ciddi hadisələr baş verdi, MOSSAD rəhbəri də Qətərə səfər etdi, lakin lazımi addımlar hələ tamamlanmayıb”.

Azpost.info

 

Əvvəlki məqalə

Bu tarixdə məktəbəhazırlıq qruplarına qeydiyyat başlayır

Sonrakı məqalə

Rusiyanın raket hücumları nəticəsində 38 ölü və 190 yaralımız var –