Pənah Hüseyn parlament seçkilərinə qatılmaqdan imtina edib

Azərbaycan Xalq Partiyasının (AXP) sədri, keçmiş Baş Nazir Pənah Hüseyn 2020-ci il fevralın 9-da keçiriləcək növbədənkənar parlament seçkilərində iştirak etməyəcək.

Azpost.info bildirir ki, bunu modern.az-a açıqlamasında P.Hüseyn özü bildirib.

“Sabah partiyanın Mərkəzi Şurasının iclası olacaq və orada növbədənkənar seçkilərlə bağlı qərar qəbul olunacaq. Mən belə hesab edirəm ki, üzvlərimizin hər biri iştirak edə bilər. Təbii ki, partiya mənsubiyyətini göstərməklə. Mənim özümün şəxsən seçkilərə qatılmaq barədə heç bir fikrim yoxdur. Qərarım qətidir, bu gündən etibarən bildirirəm ki, mən seçkilərə qatılmayacam”, – deyə AXP sədri bildirib.

Qeyd edək ki, P.Hüseyn 2005-ci il parlament seçkilərində “Azadlıq” seçki blokunun vahid namizədi kimi Sabirabad rayonundan Milli Məclisə deputat seçilib. Sonrakı seçkilərdə isə parlamentə düşə bilməyib.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Əvvəlki məqalə

AMİP deputatlığa namizədlərinin adını açıqladı –

Sonrakı məqalə

Ürəkləri fəth edən unudulmaz sənətkar –