Qubada narkokuryer iki kiloqrama yaxın narkotik vasitə ilə saxlanıldı

Quba Rayon Polis Şöbəsinin (RPŞ) əməkdaşları narkotik vasitələrin istifadəsi, əldə etməsi, saxlaması və daşımasında şübhəli bilinən Abşeron rayon sakini Vasif Hacıyevi saxlayıb.

Daxili İşlər Nazirliyinin mətbuat xidmətinin Quba regional qrupundan verilən məlumata görə, həmin şəxsin üstünə və avtomobilinə baxış keçirilən zaman 2 kiloqrama yaxın narkotik vasitə olan heroin aşkar olunaraq götürülüb.

Faktla bağlı Quba RPŞ-də cinayət işi başlanılıb. Məhkəmənin qərarı ilə həmin şəxs barəsində həbs qətimkan tədbiri seçilib.

Əvvəlki məqalə

Sabah hava necə olacaq?

Sonrakı məqalə

Bu gecə Bakıda 3 dərəcə şaxta olacaq