Rusiya hökuməti sentyabrın 1-dən benzin ixracına yenidən məhdudiyyət tətbiq edəcək.
Azpost.info xəbər verir ki, bu barədə “İnterfaks” yazıb.
“2024-cü il sentyabrın 1-dən dekabrın 31-dək Rusiyada benzin ixracına yenidən məhdudiyyət qoyulacaq. Bu barədə qərar imzalanıb. Mövsümi tələbatın davam etdiyi və neft hasilatı zavodlarında aparılan planlı təmir dövründə yanacaq bazarında sabit vəziyyətin saxlanılması üçün qərar qəbul edilib”, – məlumatda deyilir.
Məhdudiyyət beynəlxalq hökumətlərarası sazişlər çərçivəsində tədarüklərə, həmçinin Avrasiya İqtisadi İttifaqına üzv dövlətlərə vətəndaşların şəxsi istifadəsi üçün ixrac edilən, beynəlxalq humanitar yardımın göstərilməsi məqsədilə ixrac edilən yanacağa şamil edilməyəcək.
Azpost.info
