Rusiya təyyarəsi Finlandiyanın hava məkanını pozub

İyunun 10-da Rusiya təyyarəsi Finlandiya körfəzinin şərq hissəsində Loviisa şəhəri yaxınlığında ölkənin hava məkanını pozub.

Bu barədə Finlandiya Müdafiə Nazirliyi məlumat yayıb.

“Biz iddia edilən ərazi pozuntusunu ciddi qəbul edirik və dərhal araşdırmaya başlanılıb”, – deyə müdafiə naziri Antti Hakkanen qeyd edib.

Finlandiya Xarici İşlər Nazirliyi sosial şəbəkələrdə Rusiya səfirliyi ilə əlaqə saxladığını və bununla bağlı izahat tələb edildiyini bildirib.

Məlumata görə, hadisə iyunun 10-da səhər saatlarında baş verib. İddiaya görə, Rusiya təyyarəsi Finlandiya hava məkanında təxminən iki dəqiqə qalıb və sərhədin 2,5 kilometr dərinliyinə qədər irəliləyib.

Finlandiya Müdafiə Nazirliyi qeyd edir ki, əvvəlki oxşar insident 2022-ci ilin avqustunda qeydə alınıb.

Əvvəlki məqalə

Ankarada 3,7 bal gücündə zəlzələ baş verib

Sonrakı məqalə

Paytaxtın dörd rayonunda qaz verilişi dayandırılacaq