Rusiyalı nazir:"Qlobal neft bazarında tələbat bərpa olunur"

“Qlobal neft bazarı normal vəziyyətə qayıdır və “qara qızıl”a tələbat bərpa olunur”.

APA-Economics”in “Bloomberg”ə istinadən verdiyi məlumata görə, bunu Rusiyanın Energetika naziri Aleksandr Novak deyib.

Onun sözlərinə görə, Rusiya “OPEC+” (Neft İxrac Edən Ölkələr Təşkilatı və təşkilata daxil olmayan ölkələri əhatə edən neft istehsalının azaltması üzrə təşəbbüs) çərçivəsində neft hasilatının azaltmasına dair əldə edilmiş razılaşmaya ciddi şəkildə əməl edəcək.

“Rusiya neft hasilatının azaldılmasını “OPEC+” razılaşmasına uyğun olaraq yerinə yetirəcək”, – deyə, A. Novak qeyd edib.

Xatırladaq ki, “OPEC+” formatında təmsil olunan OPEC və qeyri-OPEC ölkələri, o cümlədən Azərbaycan aprel ayında hasilatın məhdudlaşdırılması öhdəliklərindən azad olub. “OPEC+” ölkələri nazirlərinin 2020-ci ilin 9 aprel və 12 aprel tarixlərində keçirilən görüşlərinin nəticəsi olaraq qəbul edilmiş və gündəlik xam neft hasilatının may-iyunda 9,7 mln. barel, iyul-dekabrda 7,7 mln. barel, 2021-ci ilin yanvar – 2022-ci ilin aprelində isə 5,8 mln. barel azaldılmasını nəzərdə tutan “Əməkdaşlıq Bəyannaməsi”nə Azərbaycan da qoşulub.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Əvvəlki məqalə

FIFA xeyriyyə matçı keçirəcək

Sonrakı məqalə

Güclü külək Göyçayda meyvə bağlarına ziyan vurub