“Əl-Nəsr”in hücumçusu Kriştianu Ronaldo cəzalandırılıb.
Azpost.info bildirir ki, bu barədə qərar Səudiyyə Ərəbistanı Pro Liqasının Etika və İntizam Komitəsi qəbul edib.
İntizam Komitəsi “Əl-Nəsr”in hücumçusu Kriştianu Ronaldonu “Əl-Şəbab”la ölkə çempionatının 21-ci tur matçı zamanı davranışına görə cəzalandırmaq qərarına gəlib.
39 yaşlı portuqaliyalı rəqib komandanın azarkeşlərinə qarşı nalayiq jest edib.
“Ge.Globo”nun məlumatına görə, Ronaldo bir oyunluq cəzalandırılacaq. O, həmçinin liqaya 2,6 min dollar, “Əl Şabab”a isə 5,3 min dollar cərimə ödəyəcək.
Beşqat “Qızıl top”un sahibi fevralın 29-da baş tutacaq “Əl-Həzmə” ilə Səudiyyə Ərəbistanı çempionatı matçını buraxacaq.
Qeyd edək ki, Ronaldo “Əş-Şəbab” azarkeşlərinə nalayiq jest edib. Azarkeşlər matç boyu top Kriştianoya çatanda “Messi! Messi!” qışqırıblar. Bu isə Ronaldını qəzəbləndirib.
Azpost.info
