Türkiyənin Marmaris bölgəsindəki meşə yanğınını törətməkdə şübhəli bilinən şəxs saxlanılıb. O, törətdiyi əməli etiraf edib. Bundan başqa, hadisə yerində iki benzin bidonu da tapılıb.
Anadolu Agentliyi xəbər verir ki, bu barədə Türkiyənin daxili işlər naziri Süleyman Soylu Yanğın Koordinasiya Mərkəzindəki açıqlamasında məlumat verib.
Nazir diqqətə çatdırıb ki, tutulan şəxs keçmişdə həmin rayonla bağlı yaranmış ticarət mübahisəsi ucbatından əsəbiləşib və hətta ailəsində yaranan problem səbəbindən özünü öldürmək istədiyini də bildirib.
