Yağış yağacaq, dolu düşəcək, çaylarda sululuq artacaq- XƏBƏRDARLIQ

İyunun 15-16-sı gündüz saatlarında əsasən dağlıq və dağətəyi rayonlarda, 17-si gündüz isə bəzi yerlərdə fasilələrlə yağış yağacağı, şimşək çaxacağı gözlənilir.

Bu barədə Milli Hidrometeorologiya Xidmətinin məlumatında deyilir. Bildirilir ki, ayrı-ayrı yerlərdə (Daşkəsən-Gədəbəy, Qarabağ və Şərqi Zəngəzur, Balakən-Şəki, Quba-Qusar, Dağlıq Şirvan, Naxçıvan MR, Lənkəran-Astara) yağıntıların leysan xarakterli intensiv olacağı, dolu düşəcəyi ehtimalı var.

Çaylarda sululuğun artacağı, Böyük və Kiçik Qafqazın, Lənkəran-Astara bölgəsinin ərazisindən axan bəzi çaylardan qısamüddətli daşqın və sel keçəcəyi gözlənilir.

Əvvəlki məqalə

NATO XİN başçıları Rusiyaya qarşı yeni məhdudiyyətlər barədə razılığa gəliblər

Sonrakı məqalə

Xaricdə təhsil üzrə dövlət proqramına sənəd qəbulunun müddəti uzadılır