Rusiya Müdafiə Nazirliyi bu gecə Ukraynaya məxsus 17 PUA-nın hucumunun qarşısını alıb.
Azpost.info bildirir ki, bu barədə MN məlumat yayıb.
“Noyabrın 7-də səhər saatlarında Rusiya ərazisindəki hədəflərə 17 PUA-dan hucum cəhdinin qarşısı alınıb. Hava hücumundan müdafiə sistemləri Ukraynanın doqquz pilotsuz uçuş aparatını məhv edib, səkkiz PUA Qara dəniz və Krım ərazisi üzərində ələ keçirilib”, – deyə nazirlikdən bildirilib.
Həmin gün səhər saatlarında Sevastopol qubernatoru Mixail Razvojayev bildirmişdi ki, PUA-nın dağıntıları evin üzərinə düşüb və yanğın baş verib. O, həmçinin Qara dəniz üzərində PUA-ların vurulduğunu açıqlayıb. İlkin məlumata görə, Hava Hücumundan Müdafiə Qüvvələri beş PUA-nı vurub.
Ötən gün Rusiya ordusu Voronej vilayətində iki PUA aşkar edərək zərərsizləşdirib.
Azpost.info
