Rusiya telekanalları Parisdəki Olimpiya Oyunlarını göstərməyəcək.
Azpost.info Spors.ru-ya istinadən bildirir ki, telekanallar yarışları rəsmi olaraq yayımlamaq niyyətində deyil.
Nəşr xatırladır ki, yarışlar, Olimpiadanın açılış və bağlanış mərasimləri ənənəvi olaraq Birinci Kanal və Rossiya-1 tərəfindən yayımlanırdı. Oyunları isə Match TV də nümayiş etdirirdi.
Okko və Wink servisləri də müsabiqəni yayımlamağı planlaşdırmır.
Növbəti Olimpiya Oyunları iyulun 26-dan avqustun 11-dək Parisdə keçiriləcək. Sanksiyalara görə 2024-cü il Oyunlarında Rusiya millisi olmayacaq, ruslara ciddi neytral statusda və yalnız fərdi yarışlarda yarışa icazə verilir. İyunun 15-də Beynəlxalq Olimpiya Komitəsi (BOK) 10 güləşçi də daxil olmaqla, 14 nəfərin daxil olduğu Rusiyadan Olimpiya Oyunlarına buraxılan idmançıların ilk siyahısını dərc edib.
İyulun 6-da Olimpiadaya dəvət alan Rusiya güləşçiləri yarışda iştirakdan imtina ediblər.
Sonuncu dəfə SSRİ 1984-cü ildə Los-Ancelesdə keçirilən Oyunları boykot edəndə Rusiyada Olimpiya Oyunları göstərilməmişdi.
