Yaxın Şərqdəki münaqişə əvvəlki böhranlardan sonra bərpa əlamətləri göstərən ölkələrin iqtisadiyyatnı çətin vəziyyətə salır.
Azpost.info bildirir ki, bu barədə Beynəlxalq Valyuta Fondunun (BVF) hesabatında deyilir.
Hesabatda qeyd olunur ki, çoxlu insan itkisi ilə yanaşı, müharibənin ən çox zərər vurduğu ölkələrdə əhəmiyyətli iqtisadi pozuntular qeydə alınıb, müharibə onların infrastrukturuna və sənayesinə uzunmüddətli ziyan vurub. “Bu, ölkələrin qısamüddətli artım perspektivlərinə mənfi təsir göstərəcək”.
Hesabatda həmçinin qeyd olunur ki, şok qlobal, lakin asimmetrikdir, daha kasıb ölkələr və enerji idxalçıları özlərini daha da həssas hiss edirlər.
BVF bildirib ki, ABŞ və İsrailin İrana qarşı hərbi əməliyyatı qiymətlərin artmasına və qlobal iqtisadi artımın yavaşlamasına səbəb olacaq. BVF analitikləri qeyd edirlər ki, bu vəziyyətin çox hissəsi Yaxın Şərqdəki münaqişənin nə qədər davam etməsindən asılı olacaq. Lakin, buna baxmayaraq, qlobal maliyyə sisteminin inkişafı üçün şərait artıq xeyli pisləşib.
