Ankarada keçirilən NATO Zirvə Görüşü altı bənddən ibarət birgə bəyanatın qəbul edilməsi ilə başa çatdı. Ev sahibi ölkəyə minnətdarlıq ifadə edən bənd istisna olmaqla, əslində yalnız beş bənd razılaşdırıldı. Mən Prezident Heydər Əliyevin köməkçisi kimi bir neçə NATO zirvə görüşündə iştirak etmişəm və deyə bilərəm ki, bu, yəqin ki, Zirvə Görüşündən sonra gördüyüm ən qısa birgə bəyanatdır.
Bütün Zirvə Görüş iştirakçıları NATO-nun mövcudluğundan narahat olaraq Ankaraya gəldiklərindən, bundan daha az bir şey gözləmək çətin idi. Əsas intriqa Şimali Atlantika Alyansının ABŞ və onun Avropa üzvləri arasında daha da dərinləşən uçurumun qarşısını ala bilib-bilməyəcəyi idi. Görünür, uçurumun qarşısı alındı və Avropa razılaşdırılmış bəyanatın bu beş bəndini belə əhəmiyyətli müsbət xəbər kimi qəbul edərək rahat bir nəfəs aldı.
Bir çox ekspertlər sammiti Cənubi Qafqazın problemlərini liderlərinin iştirakı ilə müzakirə etmək üçün əlverişli bir platformaya çevrilə biləcəyinə inanırdılar. Lakin, NATO-nun daxili çəkişmələrinin aradan qaldırılmasına yönəlmiş diqqət buna mane oldu. Təsadüfi deyil ki, Ermənistanın baş naziri də bu ərəfədə Rusiya-Ermənistan seçki sonrası gərginliyi alovlandırmamağı seçib. Paşinyan Ankara əvəzinə Rusiya Baş naziri Mixail Mişustinlə görüşmək üçün Rusiyaya gedib və Moskvanın Ermənistana qarşı iqtisadi sanksiyalarının qaldırılması ehtimalını müzakirə edib.
Lakin bu hal Cənubi Qafqazda sülh prosesinin irəliləməsi üçün heç bir problem yaratmır. Axı NATO Cənubi Qafqazda sülh prosesində nə iştirakçı, nə də vasitəçidir. Yalnız iki NATO ölkəsinin – Türkiyə və ABŞ-ın liderlərinin bu proseslə birbaşa əlaqəsi var. Türkiyə Prezidenti mediaya bildirib ki, Cənubi Qafqazda sülh quruculuğu prosesini Donald Trampla müzakirə etməyi planlaşdırır. Bu, xüsusilə də bu yaxınlarda Ankarada başa çatan NATO sammitinin diqqət mərkəzində olan aktual məsələlər (ittifaq daxilindəki parçalanma, İran, Rusiya-Ukrayna müharibəsi) fonunda çox müsbət bir siqnaldır.
Eldar NAMAZOV
Prezidentin sabiq köməkçisi, Politoliq
