Pəhriz saxlayan insanların ən çox verdiyi suallardan biri axşam yeməyini hansı saatda yeməyin daha faydalı olmasıdır. Dietoloqlar bildirirlər ki, yeməyin tərkibi qədər, onun qəbul vaxtı da çəkiyə təsir göstərir.
Mütəxəssislərin sözlərinə görə, axşam yeməyini yatmazdan ən azı 2-3 saat əvvəl qəbul etmək həzm sisteminin daha rahat işləməsinə kömək edir. Gec saatlarda ağır və yağlı qidaların qəbulu isə orqanizmin enerji sərfiyyatını azaltdığı üçün artıq çəki riskini artırır.
Dietoloqlar axşam menyusunda tərəvəz, balıq, toyuq əti və ya az yağlı süd məhsullarına üstünlük verməyi tövsiyə edirlər. Şirniyyat, qazlı içkilər və fast-food isə mümkün qədər məhdudlaşdırılmalıdır.
Mütəxəssislər vurğulayırlar ki, təkcə yemək saatını dəyişmək arıqlamaq üçün kifayət deyil. Daimi fiziki aktivlik və balanslı qidalanma sağlam çəkiyə nail olmağın əsas şərtləridir.
