ABŞ rəsmi olaraq İŞİD-i Rusiyada “Crocus City Hall”-a hücumda ittiham edib.
Azpost.info bildirir ki, bu barədə Ağ Ev bəyanatla çıxış edib.
Ağ Evin mətbuat katibi Karine Jan-Pyer Moskva vilayətindəki Crocus City Hall konsert zalında terror aktı törətməkdə İŞİD terror qruplaşmasını ittiham edən bəyanat yayıb.
“ABŞ Moskvadakı dəhşətli terror aktını qətiyyətlə pisləyir. Günahsız mülki şəxslərə qarşı bu müqəddəs olmayan hücumlar nəticəsində yaxınlarını itirənlərə və yaralananlara və ya əziyyət çəkənlərə dərin hüznlə başsağlığı veririk. İŞİD ümumi terrorçu düşməndir və onu hər yerdə məğlub etmək lazımdır”, – Ağ Evin mətbuat katibinin bəyanatında deyilir.
Bundan əvvəl Rusiya prezidenti Vladimir Putin ölkə vətəndaşlarına müraciəti zamanı Moskva vilayətindəki Crocus City Hall konsert zalında atışma təşkil edən terrorçuların Ukraynaya qaçmaları üçün “pəncərə” hazırlandığını bildirmişdi.
O, Ukraynaya doğru avtomobillə qaçmağa cəhd edən terror aktını törədən 4 nəfərin saxlanıldığını açıqlayıb.
