Azərbaycanda son sutkada 319 nəfər COVID-19-a yoluxub-

161 nəfər sağalıb, 5 nəfər vəfat edib
03 Mart 2021 - 15:03

Azərbaycan Respublikasında koronavirus (COVID-19) infeksiyasına 319 yeni yoluxma faktı qeydə alınıb, 161 nəfər müalicə olunaraq sağalıb.

Nazirlər Kabineti yanında Operativ Qərargahdan verilən məlumata görə, COVID-19 üçün götürülən analiz nümunələri müsbət çıxmış 5 nəfər vəfat edib.

Ölkədə son sutka ərzində 7 928, hazırkı dövrədək isə 2 618 808 test aparılıb.

Azərbaycanda indiyədək ümumilikdə 235333 nəfər koronavirus infeksiyasına yoluxub.

Onlardan 229143 nəfər müalicə olunaraq sağalıb, 3230 nəfər vəfat edib, aktiv xəstə sayı 2960 nəfərdir.