Azərbaycan, Rusiya və Ermənistanın baş nazirinin müavinləri ikinci dəfə görüşdü –Nəqliyyat kommunikasiyalarının açılması müzakirə olunub

Azərbaycan, Rusiya və Ermənistanın baş nazir müavinləri –  Şahin Mustafayev, Aleksey Overçuk və Mger Qriqoryan səviyyəsində üçtərəfli qrup videokonfrans formatında regional nəqliyyat kommunikasiyalarının açılması ilə bağlı ikinci iclasını keçirib.

Bu barədə TASS məlumat yayıb.

“İclasda Rusiya Federasiyası Prezidentinin, Azərbaycan Prezidentinin və Ermənistan baş nazirinin 9 Noyabr 2020-ci il tarixli bəyanatından, həmçinin 11 yanvar 2021-ci il tarixli bəyanatın 2, 3, 4-cü bəndlərinin icrasından irəli gələn birgə iş prosesi ilə bağlı məsələlər müzakirə olunub. Gələcək işlərin qrafiki razılaşdırılıb”, – deyə məlumatda bildirilir.

Qeyd edək ki, üç ölkənin Baş nazir müavinlərinin birinci iclası yanvarın 30-da Moskvada keçirilib.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Əvvəlki məqalə

Putin azərbaycanlı milyarder Qod Nisanovu mükafatlandırdı

Sonrakı məqalə

Bakı Ağır Cinayətlər Məhkəməsinin operatoru həbs olundu –