Dekabrda daha bir qrup ailə Ağalıya köçürüləcək

“Növbəti ayda daha bir qrup ailənin Ağalıya köçürülməsi planlaşdırılıb”.

Bunu Şərqi Zəngəzur iqtisadi rayonuna daxil olan Zəngilan rayonunda Azərbaycan Respublikası Prezidentinin xüsusi nümayəndəsi Vahid Hacıyev “Şəhərlərin və kənd yerlərinin inkişafına innovativ yanaşma: ağıllı şəhər və kəndlər” mövzusunda keçirilən beynəlxalq konfransda deyib.

O bildirib ki, Ağalı kəndində 200 ağıllı evin tikintisi nəzərdə tutulmuşdu:

“Onlardan 87-si tikilərək, istifadəyə verilib, 113 evdə isə təmir-tikinti işləri davam etdirilir. Hazırda Ağalıda kiçik sahibkarların yerləşdirilməsi işləri aparılır və istehsal prosesinin yaradılması planlaşdırılır. Kənd əhalisinin əksəriyyəti işlə təmin edilib”. (APA)

Əvvəlki məqalə

“İsveç və Finlandiya terrorla mübarizə qanunvericiliyini sərtləşdirməlidir”

Sonrakı məqalə

Məcburi sığorta haqqı 10 ayda 144 milyon manat artıb