Sabiq milli təhlükəsizlik naziri Eldar Mahmudov Azərbaycanın Milli Qəhrəmanı Riad Əhmədovla vida mərasimndə iştirak edib.
Azpost.info bildirir ki, Milli Qəhrəman sabiq nazirin bacısının həyat yoldaşı olub.
E.Mahmudov 2004-2015-ci illərdə MTN-ə rəhbərlik edib.
Vida mərasimində dövlət xadimləri, ictimaiyyət nümayəndələri, şəhidin ailə üzvləri və döyüş yoldaşları iştirak edir.
Qeyd edək ki, Müdafiə Nazirliyi Kəşfiyyat İdarəsinin rəis müavini Riad Əhmədov 1992-ci il yanvar ayının 26-da rəhbərlik etdiyi kəşfiyyat qrupu ilə Daşaltı kəndindəki döyüşdə yaralanaraq itkin düşüb. Uzun illər yeri müəyyən olunmayıb.
Bu il sentyabrın 18-də Bakıda keçirilən “İtkin düşmüş şəxslərin taleyinə aydınlıq gətirmək üçün milli və qlobal səylərin artırılması” üzrə beynəlxalq konfransda Riad Əhmədov və digər itkin azərbaycanlıların nəşlərinin tapıldığını və müəyyən edildiyi açıqlanıb.
