Ermənistanda dövlət qurumlarını ələ keçirməyi, həmçinin ayrı-ayrı binaları partlatmağı planlaşdıran terror qruplaşması saxlanılıb.
Azpost.info xəbər verir ki, bu barədə ölkənin Milli Təhlükəsizlik Xidmətinin rəsmi saytında məlumat verilib.
Məlumata görə, “Severnıy Listopad” adlı qrupa ən azı beş nəfər daxildir.
“2023-cü il ərzində onlar partlayış və digər sosial təhlükəli hərəkətlər həyata keçirməyə, hökumət və digər binaları ələ keçirməyə və saxlamağa hazırlaşırdılar. Terrorçular dövlət orqanlarının işinə müdaxilə etmək istəyən “naməlum şəxslərin” nəzarəti altında hərəkət ediblər”, – qurumdan bildiriblər.
Saxlanılanlardan döyüş sursatı, dron və odlu silah götürülüb.
Azpost.info