Noyabrın 22-23 tarixlərində Naqoyada keçirilən G20 ölkələri Xarici İşlər nazirlərinin görüşündə bu gün Afrikada iqtisadi artımla yanaşı Ümumdünya Ticarət Təşkilatında (ÜTT) islahatların keçirilməsi məsələsi diqqət mərkəzində olub.
“Report” TASS-a istinadən xəbər verir ki, görüş iştirakçıları ÜTT-də islahatların zəruriliyi ilə razılaşıblar.
“ÜTT-nin islahat olunmasının vacibliyi fikrini bölüşdük”, – deyə Yaponiya Xarici İşlər naziri Toşimitsu Motegi açıqlamasında qeyd edərək G20 ölkələrinin bu məsələdə öncül rol oynamağa hazır olduqlarını bildirib.
Yaponiyalı nazir həmçinin iri rəqəmsal şirkətlərindən vergitutma sistemini təkmilləşdirməyin də vacibliyini dilə gətirib.
