2023-cü ilin yayından Gürcüstan hər il 1000-dən 1500-ə qədər kəşfiyyat və döyüş dronları istehsal edəcək.
Azpost.info xəbər verir ki, bu barədə ölkənin müdafiə naziri Cuanşer Burçuladze bildirib.
Nazir qeyd edib ki, ilk kəşfiyyat və döyüş PUA-ları artıq baş nazir İrakli Qaribaşvilinin iştirakı ilə istehsal edilib və sınaqdan keçirilib.
“Tiflis yaxınlığında Gürcüstan-Polşa birgə müəssisəsində PUA istehsalına başlanılıb. Müəssisənin tikintisi ötən ilin dekabrında başa çatıb. Zavodun sahibi 2022-ci ildə Gürcüstanın “Delta” şirkəti və Polşanın “WB Electronics S.A” şirkəti tərəfindən təsis edilmiş “Delta-WB” şirkətidir”, – məlumatda bildirilir.
Azpost.info