“Haqq Ədalət Partiyası siyasi cəsarət tələb edən qərar verərərk prezident İlham Əliyevin siyasət kursunu dəstəklədiyini bəyan edib”.
Azpost.info bildirir ki, bu barədə partiyanın Ali Məclisinin sədri Zəlimxan Məmmədli Meta-da bildirib.
O, qərarı “haqlı” olduğunu deyib: “Düşmənlərin (Rusiya, İran, Ermənistan, Fransa, PKK) dövlətimizin əleyhinə əlbir olduğunu, Qarabağ probleminin ədalətli həlli və dövlət təhlükəsizliyimizin təmini üçun siyasi konsalidasiyanı vacibliyini dərk edərək bu qərar qəbul edilib”.
Z.Məmmədli HƏP-in bu qərarını gözdənsalma kampaniyasının aparıldığını bildirib: “Spekulyativ nəticələr çıxararaq qara təbliğata baş vururlar. Təəssüf ki, bu prosesə özlərini siyasi lider hesab edənlər də qoşulur və bu prosesdə öndərlik edirlər. Uğursuz yoldur!”
Z.Məmmədli deyib ki, Haqq Ədalət partiyası bundan sonra da milli və dövlət maraqlarımızın yanında olacaq, firqə maraqlarını heç vaxt milli maraqlardan önə daşımayacaq.
Azpost.info
