“Əl Əqsa Tufanı” əməliyyatlarından nə bizim, nə də İranın xəbəri olmayıb”.
Bu barədə “Hizbullah” lideri Həsən Nəsrullah İsrail-Fələstin müharibəsi ilə bağlı bugünkü çıxışında bildirib.
Onun sözlərinə görə, “Əl-Əqsa Tufanı” əməliyyatı məxfi şəkildə hazırlanıb və bu məxfiliyi qorumaq üçün hətta Fələstindəki digər qruplaşmalarından da gizlədilib.
“Qəzzada yaşanan qətliamdan birbaşa məsuliyyət daşıyan ölkə ABŞ-dir. İsrail sadəcə qətliamı həyata keçirən vasitəçidir. HƏMAS-ı və onun hərbi rəhbərliyini məhv etmək istədiyini deyir ki, bu da qeyri-mümkün bir məqsəddir”-deyə Nəsrullah bildirib.
O deyib ki, “Hizbullah”ın birinci hədəfi Qəzzaya hücumların dayandırılmasıdır. “İkinci hədəfimiz isə Qəzzanın, HƏMAS-ın, Fələstinin qələbə qazanmasıdır”.
