Keşlə dəmir yolu stansiyasında silahlı şəxs saxlanılıb

Salyan rayon sakini əvvəllər məhkum olunmuş 1990-cı il təvəllüdlü Vahid Əliyev Dəmir yolu Nəqliyyatında Polis İdarəsi Biləcəri Xətt Polis Şöbəsinin əməkdaşlarının daxil olmuş əməliyyat məlumatı əsasında həyata keçirdikləri tədbir nəticəsində Keşlə stansiyasının ərazisində saxlanılıb.

Daxili İşlər Nazirliyinin mətbuat xidmətindən bildirilib ki, onun üzərinə baxış zamanı 1 ədəd “TT” markalı tapança, 5 ədəd patron və 1 ədəd patron darağı aşkar olunaraq götürülüb. V.Əliyev odlu silahı bir müddət əvvəl əldə etdiyini, lakin polisə təhvil verməyərək özündə saxladığını bildirib.

Faktla bağlı araşdırmalar davam etdirilir.

Əvvəlki məqalə

Xankəndidə xeyli silah-sursat aşkarlanıb

Sonrakı məqalə

“AzerGold” vətəndaşlara müraciət edib –