Məşhur aktyor Mikki Rurk Latviyadan çıxa bilmir

21 Mart 2020 - 11:13

Amerikalı aktyor, ssenarist Mikki Rurk koronavirus pandemiyası ilə əlaqədar Latviyanı tərk edə bilmir.

“Sputnik” agentliyi xəbər verir ki, aktyor Latviyanın paytaxtı Riqaya hərbi mövzulu mistik filmdə rol almaq məqsədilə gəlib.

Özünün “Instagram” səhifəsində gəzintiyə çıxdığı Riqa şəhərinin görüntülərini paylaşan aktyor izləyiciləri tərəfindən təhlükəsizlik qaydalarını pozduğuna görə sosial məsuliyyətsizlikdə ittiham olunub.

İctimai qınağa tuş gələn aktyor sosial şəbəkə hesabında dərc etdiyi fotoları silməyə məcbur olub.