14 yanvar tarixində Türkiyənin Trabzon şəhərində kriminal dairələrdə “Rezo Tbiliski” kimi tanınan 64 yaşlı gürcü “qanuni oğru” Revaz Lortkipanidze Trabzonda güllələnib.
Azpost.info bildirir ki, bu barədə “PrimeCrime” nəşri məlumat yayıb.
Məlumata əsasən, kriminal avtoriteti güllələyən dörd nəfər isti izlərlə saxlanılıb. İlk məlumata görə, onlar Türkiyəyə Bolqarıstandan daxil olublar.
Nəşr yazır ki, trabzonlu “oğrular” arasında əvvəllər məhkum olunmuş Rezo Lortkipanidze ən təcrübəli və hörmətli şəxslərdən biri sayılırdı.
Türk KİV-ləri isə yazır ki, Trabzonda bir nəfərin avtomobildən açdığı atəş nəticəsində Revaz Lortkipanidze ağır yaralanıb. Təcili yardım briqadası tərəfindən xəstəxanaya çatdırılsa da, müdaxilələrə baxmayaraq onun həyatını xilas etmək mümkün olmayıb.
“Qanuni oğru”nun niyə qətlə yetirildiyi bu mərhələdə məlum deyil.
