Rusiya prezidenti Vladimir Putin Kollektiv Təhlükəsizlik Müqaviləsi Təşkilatının (KTMT) noyabrın 23-də İrəvanda keçiriləcək sammitində iştirak edəcək.
Azpost.info xəbər verir ki, bunu jurnalistlərə Rusiya prezidentinin mətbuat katibi Dmitri Peskov deyib.
“KTMT sammiti üçün Ermənistana səfər olacaq”, – Peskov bildirib.
Noyabrın 23-də Ermənistan Baş naziri Nikol Paşinyanın sədrliyi ilə İrəvanda KTMT Kollektiv Təhlükəsizlik Şurasının sessiyası keçiriləcək. Tədbirdə Belarus prezidenti Aleksandr Lukaşenko, Qazaxıstan prezidenti Kasım-Jomart Tokayev, Qırğız Respublikasının prezidenti Sadır Japarov, Rusiya prezidenti Vladimir Putin və Tacikistanın dövət başçısı Emomali Rahmonun iştirakı gözlənilir.
Sammitdə KTMT-nin böhrana cavab sisteminin təkmilləşdirilməsi və Ermənistana yardım göstərilməsi üzrə birgə tədbirlər müzakirə olunacaq.
Azpost.info
