Rusiya prezidenti Vladimir Putini “qardaş” adlandıran İordaniya kralı II Abdulla Ukraynaya hərbi texnika göndərəcək.
Azpost.info xəbər verir ki, bu barədə “De Telegraaf” yazıb.
Ukrayna Silahlı Qüvvələri İordaniyanın 2013-cü ildə Niderlanddan 21 milyon avroya aldığı 60 “Cheetah” döyüş maşını (Almaniyanın “Gepard” özüyeriyən zenit silahlarının analoqu) alacaq.
Tezliklə ilk çatdırılma gözlənilir.
Ukraynada müharibə başlamazdan əvvəl İordaniya kralı II Abdullah Rusiyaya tez-tez (2001-dən 2017-dək 18 dəfə) səfər edirdi. O, 2018-ci ildə 19-cu səfərindən əvvəl demişdi: “Mən qardaşım hesab etdiyim prezident Vladimir Putinlə görüşmək üçün Moskvaya gedirəm. Ora onun yaxşı dostu və Rusiyanın dostu kimi gedirəm”.
Azpost.info
