Rusiya xarici işlər nazirinin müavini Mixail Boqdanov İsrailin Moskvadakı səfiri Aleksandr Ben Tsvi ilə danışıqlar aparıb.
Azpost.info xəbər verir ki, tərəflər Qəzza zolağından Rusiya vətəndaşlarının təxliyəsi, həmçinin HƏMAS hərəkatının üzvlərinin saxladığı girovların azad edilməsi məsələsini müzakirə ediblər.
Söhbət zamanı Rusiya-İsrail gündəminin aktual məsələləri müzakirə edilib, fəal siyasi dialoqun davam etdirilməsinin vacibliyi vurğulanıb.
Məlumatda deyilir ki, Fələstin-İsrail münaqişəsi zonasında davam edən qarşıdurma kontekstində Rusiya tərəfi bir sıra humanitar problemlərin tezliklə həlli maraqları naminə əlaqələndirilmiş səylərə ehtiyac olduğunu təsdiqləyib.
Azpost.info