Tarif Şurası SOCAR-ın qazın qiymətini artırmaqla bağlı müraciətini qəbul etmədi

05 Yanvar 2021 - 00:31

Tarif  Şurası  Dövlət Neft Şirkətinin (SOCAR) ölkədə təbii qazın pərakəndə satış qiymətinin artırılması ilə bağlı təklifini qəbul etməyib.

Azpost.info bildirir ki, bu barədə Tarif Şurasının yaydığı məlumatda bildirilir.

Məlumatda deyilir ki, SOCAR Şuraya müraciət edərək ölkədə təbii qazın pərakəndə satış qiymətinin artırılmasını təklif edib.

Təbii qazın qiymət artımı təklifinin iqtisadi cəhətdən əsaslandırılmasına baxmayaraq, aparılan sosial siyasət nəzərə alınaraq, Tarif (qiymət) Şurası təbii qazın tariflərinin artırılmasını məqsədəmüvafiq hesab etməyib.

Xatırladaq ki, yanvarın 4-də Tarif (qiymət) Şurasının növbəti iclası keçirilib.