Ukrayna lideri Vladimir Zelenski ABŞ-ın keçmiş prezidenti Donald Trampa müraciət edib.
Azpost.info bildirir ki, o, NBC jurnalistlərinin suallarını cavablandırarkən Trampı Kiyevə dəvət edib.
Zelenskinin sözlərinə görə, şəxsi görüş zamanı o, Trampa Rusiya ilə hərbi münaqişənin 24 saat ərzində həllinin mümkünsüzlüyunu izah etməyə hazırdır: “Əgər o, bura gələ bilsə, mənə 24 dəqiqə lazımdır – bəli, 24 dəqiqə… Prezident Trampa sülh gətirə bilməyəcəyini izah etmək 24 dəqiqədən çox aparmayacaq”, – deyə Zelenski qeyd edib.
Bundan əvvəl Tramp dəfələrlə Rusiya-Ukrayna münaqişəsinə 24 saat ərzində son qoya biləcəyini bəyan edib.
