Avqustun 8-də “Zirə” və “Sabah” komandaları UEFA Konfrans Liqasının III təsnifat mərhələsində ilk oyunlarını keçirəcək.
Hər iki təmsilçimiz matçlarını səfərdə oynayacaq.
Əvvəlcə meydana “Zirə” komandası çıxacaq. “Qartallar” Xorvatiyada “Osiyek”in qonağı olacaq. Görüş Bakı vaxtı ilə saat 22:00-da başlayacaq.
“Sabah” isə “Sent Patriks Atletik” (İrlandiya) kollektivi ilə üz-üzə gələcək. Dublində keçiriləcək qarşılaşmanın start fiti 22:45-də səslənəcək.
UEFA Konfrans Liqası
III təsnifat mərhələsi, ilk oyun
22:00. “Osiyek” – “Zirə”
Baş hakim: Aristotelis Diamantopoulos (Yunanıstan).
22:45. “Sent Patriks Atletik” – “Sabah”
Baş hakim: Vilhyalmur Torarinsson (İslandiya)
Qeyd edək ki, komandalar arasında cavab qarşılaşaması avqustun 15-də Bakıda təşkil olunacaq.
