“Cənab Prezident Rəcəb Tayyib Ərdoğan dünən də bildirdi ki, Türkiyə bütün qurumları ilə, bütün imkanları ilə bu zəlzələnin fəsadlarını aradan qaldırmağa qadirdir”.
Bunu APA-ya açıqlamasında Türkiyənin Azərbaycandakı səfiri Cahit Bağcı bildirib.
“İki böyük zəlzələ yaşadıq. 10 milyondan çox insan bundan təsirləndi. Son dərəcə böyük bir təbii fəlakətlə qarşı-qarşıya qaldıq. İtkilərimiz var. Amma Türkiyə güclü bir dövlətdir. Bu yaraları ən qısa müddətdə saracağıq”, – səfir əlavə edib.
Səfir qeyd edib ki, zəlzələdən sonra Azərbaycan xalqı səfərbər olub:
“Kimin nəyə gücü çatırsa, yardım edir. Elə adam var əynindəki gödəkçəni, döşəyini, yorğanını göndərir. Kimisi də pul göndərir. Hər kəs əlindən gələni edir. Bundan çox minnətdarıq”.
