2023-cü ildə ruslar rekord sayda “qrin kart” alıblar.
Azpost.info xəbər verir ki, 2022-ci il oktyabrın 1-dən 2023-cü il sentyabrın 30-dək davam edən maliyyə ilində ABŞ hakimiyyəti ruslara 12 790 “qrin kart” verib.
Əvvəlki rekord 2016-cı ildə qeydə alınıb – o zaman 9774 rusiyalı qrin kart sahibi olub.
Ən çox “qrin kart” ABŞ-ın qonşusu olan Meksikanın sakinlərinə verilib – 179 830. “İlk beşlik”də Hindistan (76 020), Kuba (74 040), Dominikan Respublikası (66 450) və Çin (58 820) var. Üümumilikdə, 2023-cü ildə 1,173,640 əcnəbi yaşıl kart alıb. Bu, 2016-cı ildən bəri rekord göstərici sayılır.
Ukrayna sakinləri 2023-cü ildə 11 210 “qrin kart” (2022-ci ildə 11 719 idi), Qazaxıstan sakinləri isə 2 610 (2022-ci ildə 1 637) “qrin kart” alıblar.
Bu rəqəmlər “Second Wind” immiqrasiya şirkətinin ABŞ Daxili Təhlükəsizlik Departamentinin və digər müvafiq departamentlərin məlumatlarına əsaslanır.
Azpost.info
