ABŞ dövlət katibi Entoni Blinken bu gün Münhendə Ermənistanın baş naziri Nikol Paşinyan və Azərbaycan prezidenti İlham Əliyevlə görüşəcək.
Bu barədə “Turan” Agentliyi məlumat yayıb.
Görüş saat 13:35-ə yerli vaxtla təyin edilib, Dövlət Departamenti cümə günü axşam saatlarında bildirib.
Görüş barədə əvvəllər məlumat verilməyib. Keçən ay Blinken Paşinyan və Əliyevlə ayrı-ayrılıqda danışıb və sülh prosesinin son uğursuzluğu fonunda onları birbaşa danışıqları yenidən başlamağa çagırıb.
Azpost.info xəbər verir ki, Ermənistan Nazirlər Kabinetinin mətbuat xidməti də məlumatı təsdiq edib. Hökumətin yaydığı açıqlamada bildirlir ki, bu gün Münhen Təhlükəsizlik Konfransı çərçivəsində Azərbaycan Prezidenti İlham Əliyev, Ermənistan Baş naziri Nikol Paşinyan və ABŞ dövlət katibi Entoni Blinkenin görüşü nəzərdə tutulub.
Qeyd edək ki, Əliyev və Paşinyan sonuncu dəfə 2022-ci il oktyabrın sonunda Rusiya prezidenti Vladimir Putinin vasitəçiliyi ilə Soçidə görüşüb.
Azpost.info
