Amerikalı milyarder və kabel televiziyasının “pioneri” sayılan Çarlz Dolan 98 yaşında vəfat edib.
Azpost.info xəbər verir ki, bu barədə “The Wall Street Journal” yazıb.
O, HBO televiziya kanalının və Nyu-York televiziya şirkəti “Cablevision”ın yaradıcısı kimi tanınırdı.
Çarlz Dolan 1926-cı il oktyabrın 16-da Ohayo ştatının Klivlend şəhərində anadan olub. Gələcək media maqnatı sənayedəki karyerasına 50-ci illərdə yerli televiziya üçün idman və istehsal filmlərinin evdə istehsalı ilə başlayıb. Dolan daha sonra Nyu-Yorka köçüb və ABŞ-da ilk şəhər kabel televiziya sistemini quran “Sterling Manhattan Cable” şirkətini təsis edib.
Məhz Dolanın təşəbbüsü ilə 1972-ci ildə ABŞ-da ilk ödənişli televiziya şəbəkəsi olan Home Box Office yaradılıb. HBO bu günə qədər premium serialların əsas təchizatçısı olaraq qalır.
Azpost.info
