ABŞ prezidenti Co Bayden elan olunmamış səfərlə Kiyevə gəlib.
Azpost.info xəbər verir ki, sosial şəbəkələrdə ABŞ liderinin Ukrayna paytaxtının mərkəzində olduğunu göstərən video yayılıb.
Videoda Co Baydenin Ukrayna prezidenti Vladimir Zelenski ilə birlikdə Mixaylovskaya meydanında gəzişdiyi görünür. Liderlər orada Ukraynanın həlak olan qəhrəmanlarının xatirəsini ehtiramla yad ediblər.
Zelenski “Telegram”da Baydenin səfərini təsdiqləyib: “Co Bayden, Kiyevə xoş gəlmisiniz! Sizin səfəriniz bütün ukraynalılar üçün dəstəyin çox mühüm təzahürüdür”.
Bu, Baydenin Ukraynaya ABŞ prezidenti kimi ilk səfəridir. Eyni zamanda, o, ABŞ-ın vitse-prezidenti vəzifəsində çalışarkən altı dəfə – (sonuncu dəfə 2017-ci ilin yanvarında) Ukraynaya səfər edib.
Azpost.info
