Avroviziyanın 2021-ci ildə keçiriləcəyi yer açıqlandı

17 May 2020 - 02:27

“Avroviziya-2021″ beynəlxalq mahnı müsabiqəsi 2021-ci ildə Rotterdamda keçiriləcək.

Bu barədə tədbirin təşkilatçıları məlumat veriblər.

Şənbə günü təqdim olunan “Europe shine a light” adlı şou 46 ölkəyə translyasiya olunub. Bildirilib ki, növbəti il keçiriləcək müsabiqədə yeni mahnılar tələb ediləcək.

Qeyd edək ki, 65-ci “Avroviziya-2020″ beynəlxalq mahnı müsabiqəsinin mayın 16-da Niderlandın Rotterdam şəhərində keçirilməli olan final mərhələsi COVID-19 pandemiyası ilə əlaqədar təxirə salınıb.

Xatırladaq ki, Azərbaycanı bu müsabiqədə Samira Əfəndi “Kleopatra” mahnısı ilə təmsil edirdi.