Azərbaycandan Rusiyaya 1,5 milyon ədəd yumurta göndərilib

Yanvarın 11-də “Yaraq Qazmalar” buraxılış məntəqəsindən Rusiya ərazisində satış məqsədilə Azərbaycandan idxal olunmuş və 18,63 tonluq (306 min ədəd) növbəti ərzaqlıq yumurta partiyası buraxılıb.

Trend bu barədə Rusiya Federasiyasının Baytarlıq və Fitosanitar Nəzarət üzrə Federal Xidmətinə (“Rosselxoznadzor”) istinadən xəbər verir.

“Yük müvəqqəti saxlama anbarına gətirildikdən sonra qida məhsulunun keyfiyyət və təhlükəsizliyinin təmin olunması məqsədilə nümunələr götürülüb. Yanvarın 11-dək Rusiyaya Azərbaycandan 1,5 milyon ədəd (90,63 ton) ərzaqlıq yumurta gətirilib”, – “Rosselxoznadzor”un məlumatında deyilir.

Qeyd edək ki, bu gün Azərbaycanda toyuq yumurtalarının gündəlik istehsalı təqribən 5 milyon ədəd, gündəlik tələbat isə təqribən 3,6 milyon ədəddir. Yalnız tələbatdan artıq məhsul ixrac edilir.

Əvvəlki məqalə

“Rusiyada 80 min “ABŞ məzunu” var, “beşinci kolon” qurmaq istəyirlər”

Sonrakı məqalə

Bakıda avtomobildə İrandan gətirilən 32 kq narkotik aşkarlandı